Bantuan banjir nyang disuplai pemerintah ame donatur ude banyak nyang nyampe dan dapet dinikmati masyarakat.
Kemaren dulu ade bantuan nyang didrop anggota dewan ame Pemprov DKI Jakarte saat kedua lembaga tersebut anjangsana nengokin korban banjir di sejumlah wilayah Jakarta .
Tentu aje, masyarakat ngucapin terima kasih setinggi langit. Gimane kagak? Orang lagi kesusahan didrop bantuan sembako, obat-obatan, ame pakean layak pake.
“Mudah-mudahan, enyak dan babe tetep tabah ngadepin bencana ginian. Pan kagan cuman nyak babe nyang kene musibah,” kata seseorang yang ikut nimbrung ame rombongan legislatf ame eksekutif itu.
“ Pale lu bau menyan!. Tabah-tabah. Ape maksud lu !” kate seorang egkong berbadan kurus nyang duduk nongkrong di balik gerobah sampah.
Ngedenger suare orang tua renta itu, seorang anggota dewan asli anak Betawi ngelesin.
“Kenape Kong? Pan die ngomong baek-baek. Kasih saran agar Engkong tabah,” kate wakil rakyat bertubuh gembul itu.
“ Tabah sampe kapan? Die-die juga gare-garenye,:” kembali si Egkong ngegerutu.
“Maksudnye ape K0ng ? seorang aparat nimbrung bertanye.
“ Die belagak jadi dewa penolong. Ati-ati ame dia. Padahal, die pula nyang kenyang nyikat bantuan orang susah,” kata si engkong.
Selidik punya selidik, tenyate die tukang copet nyang sering beraksi kalo ade rombongan donatur nyerahin bantuan.
Bahkan, die pula nyang ngatasnamain masyarakat miskin untuk cari bantuan. Kagak lame, ade ribut-ribut.
Karena ade orang nyang ketangkep nyopet dompet salah seorang anggota rombongan itu.
“Kene batunye lu! Tabah lu, situ. Ampe kapan bisa tabah ngadepin amukan massa kayak gini?” kata si engkong sambil geloyor. (DDJP/stw)